Куманово, 6 јануари 2024 (МИА) - Министерот за внатрешни работи Оливер Спасовски денеска во Државното средно училиште-регионален центар за стручно образование „Киро Бурназ“ во Куманово присуствуваше на мултиетничко празнување на големиот христијански празник Бадник.

Настанот е дел од проектот „Безбедни училишта“ кој по 13-ти пат го реализира, отсекот за превенција од СВР Куманово во соработка со локалните училишта и ученици.

Учениците кои посетуваат настава на македонски јазик беа домаќини на врсниците кои посетуваат албански наставен јазик, со возвратно дружење за време на муслиманските празници, а со цел да ги споделат своите обичаи, култури и традиции, и да празнуваат заедно во духот на почит и меѓусебно разбирање.

-Бадник е време кога се потенцираат вредностите на мир, љубов и хармонија. Нашето мултиетничко дружење ја отсликува оваа порака на младите луѓе кои потекнуваат од различни верски и етнички позадини, а кои заедно празнуваат и ги споделуваат најубавите аспекти на своите култури“, истакна министерот Спасовски. ам/бт/

Фото: МВР