Сиљановска Давкова ќе го врачи признанието „Инженерски прстен“
- Претседателката Гордана Сиљановска Давкова, денеска на церемонија што ќе се одржи на платото пред црквата „Свети Климент и Пантелејмон“- Плаошник, во Охрид, ќе го врачи признанието „Инженерски прстен“ на најуспешните студенти кои дипломирале на македонските факултети што негуваат инженерски дисциплини, соопшти нејзиниот кабинет.
![Сиљановска Давкова ќе го врачи признанието „Инженерски прстен“](https://mia.mk/images/20240711090839_big_730x400_3.webp )
Скопје, 11 јули 2024 (МИА) - Претседателката Гордана Сиљановска Давкова, денеска на церемонија што ќе се одржи на платото пред црквата „Свети Климент и Пантелејмон“- Плаошник, во Охрид, ќе го врачи признанието „Инженерски прстен“ на најуспешните студенти кои дипломирале на македонските факултети што негуваат инженерски дисциплини, соопшти нејзиниот кабинет.
„Инженерски прстен“ се доделува по 21. пат, а со признанието ќе се здобијат 15 млади инженери од различни области, кои дипломирале на четири државни универзитети.
Манифестацијата се одржува во организација на Инженерската институција на Македонија и Комората на овластени архитекти и овластени инженери, а под покровителство на Претседателот на државата.са/дма/
Фото: МИА архива