Вашингтон, 16 февруари 2024 (МИА) - Русија можеби досега потрошила до 211 милијарди долари за своите воени операции во Украина, изјави денеска висок претставник на американското Министерство за одбрана за британски медиуми.

Според него, две години по целосната инвазија на Русија на соседната земја, Москва изгубила повеќе од 10 милијарди долари од откажана или одложена продажба на оружје.

Службеникот на администрацијата на Бајден, кој зборуваше под услов да остане анонимен, ги даде податоците во време кога е блокирана клучната воена помош на САД за Украина.

Според неговите податоци, војната досега ја чинеше Русија 1,3 трилиони долари помалку економски раст до 2026 година и околу 315.000 загинати и ранети војници. Покрај тоа, додаде тој, Украина потона или оштети најмалку 20 средни и големи бродови на руската морнарица и еден танкер во Црното Море. мс/

фото: МИА архива