• среда, 03 јули 2024

Русија осуди тинејџер на 12 години затвор поради испраќање пари на армијата на Киев

Русија осуди тинејџер на 12 години затвор поради испраќање пари на армијата на Киев

Москва, 2 јули 2024 (МИА) - Русија денеска осуди тинејџер на 12 години затвор за наводно донирање пари на силите на Киев, јавија руските медиуми. Во јужниот град Ростов на Дон, судот осуди 19-годишник на 12 години затвор за „предавство“.

Безбедносната служба ФСБ соопшти дека тинејџерот праќал пари за да и помогне на армијата на Киев да купи беспилотни летала и храна за војниците.

Се наведува дека обвинетиот бил уапсен на аеродром додека се обидувал да ја напушти Русија.

„Регионалниот суд во Ростов го прогласи човекот за виновен и го осуди на казна во форма на 12 години во строга казнена колонија“, ја цитира РИА Новости изјавата на ФСБ. зш/

Остани поврзан