Лондон, 5 март 2023 (МИА) - Фудбалската асоцијација на Англија (ФА) изразила загриженост поради приливот на голем број странци во Премиер лигата. Ова се смета за неочекувана последица на Брегзит.

Шефот на ФА, Марк Булингем, рече дека здружението може да го ограничи бројот на странци во клубовите од Премиер лигата за да гарантира места за Англичаните. Булингем рече дека само 28% од играчите кои излегоа на теренот во Премиер лигата минатата беа од Англија. Во текот на целата сезона нивниот број е приближно 30%.

- Многу е важно да се ограничи приливот на играчи. Од Брегзит, бројот на Англичани помлади од 21 година што добиваат време за игра е приближно преполовен. Овој тренд нас не загрижува, рече Булингем.

Според него, едно од можните решенија во сегашната ситуација е ублажување на визните правила за ограничен број странци во замена за гаранции за минутажа за Британците.

- Овој систем ќе им овозможи на клубовите да ангажираат помалку играчи со порелаксирани барања. Тие ќе можат да потпишат договор со јасно талентиран играч пред тој да го достигне потребниот број поени [за виза]. Тогаш ќе се купи не за 30 милиони фунти, туку за 3 милиони. Нема многу играчи кои навистина ќе додадат вредност на Премиер лигата. Ако започне аукција, тоа само ја зголемува цената. Енцо Фернандез и Михаил Мудрик беа интересни за премиерлигашките клубови минатата година. Тогаш веројатно би можеле да добијат работна дозвола. Но, тие беа купени оваа година, а веројатно чинеше 20 пати повеќе отколку што можеше. Контролата е клучна. Не можете само да ги отворите портите, потенцира Булингам.

Во претходните два преодни рока, клубовите од Премиер лигата потпишаа двојно повеќе странци отколку во кој било друг претходен преоден рок. зс/

Фото: ЕПА