• вторник, 27 февруари 2024

Одлука на Претседателството на ДУИ Талат Џафери да биде технички премиер од 28 јануари

Одлука на Претседателството на ДУИ Талат Џафери да биде технички премиер од 28 јануари

Скопје, 8 декември 2023 (МИА) - Централното претседателство на Демократската унија за интеграција (ДУИ) на состанок во партиското седиште одлучило актуелниот претседател на Собранието Талат Џафери да биде технички претседател на Владата на Република Северна Македонија од 28 јануари во пресрет на изборите напролет.

Портпаролот на ДУИ, Бујар Османи, на својот фејсбук-профил ги објави и другите одлуки од состанокот на партиското Претседателство во Мала Речица во врска со учеството на ДУИ на претседателските и парламентарните избори во 2024 година. 

-Фатмир Бесими е избран за шеф на Централниот изборен штаб за изборите 2024. Се овластува претседателот на партијата да продолжи со разговорите со политичките партии и да одлучува за евентуални коалиции за претседателските и парламентарните избори, објави Османи на Фејсбук.

Претседателот на Собранието Талат Џафери, пак, во видео порака истакна дека му претставува особена чест доделената доверба од партиските органи за номинација на наредната функција - технички премиер во Владата во последните 100 дена. 

-И оваа функција со должно почитување и соодветна одговорност ќе биде спроведена од моја страна  како одговор на поддршката искажана од партиските органи, а пред се и од граѓаните на Република Северна Македонија, порача Џафери во видео изјава. хс/вј/ 

Фото: Принтскрин 

https://wetransfer.com/downloads/a85189a273c12e367a839d590a391b5d20231208183636/253d37

https://we.tl/t-gq5guYhO77  mK

 

Остани поврзан