Облачно и посвежо, на повеќе места со пороен дожд
- Како што информираат од Управата за хидрометеоролошки работи, локално ќе има појава на невреме, со интензивен пороен дожд .
![Облачно и посвежо, на повеќе места со пороен дожд](https://mia.mk/images/20240909145554_big_730x400_19.webp )
Скопје, 10 септември 2024 (МИА) – Времето денеска ќе биде претежно облачно и значително посвежо, на повеќе места со пороен дожд, грмежи и засилен ветер.
Како што информираат од Управата за хидрометеоролошки работи, локално ќе има појава на невреме, со интензивен пороен дожд (над 30 l/m2 за 24 часа), грмежи, силен ветер (над 70 km/h) и услови за појава на град.
Во Скопје времето ќе биде претежно облачно и нестабилно, со повремен пороен дожд, грмежи и засилен ветер. Во делови од котлината ќе биде нестабилно со интензивен пороен дожд (над 20 l/m2за 24 часа), грмежи и засилен ветер.
Минималната температура ќе се спушти до 19, а максималната ќе достигне до 24 степени.
Во среда ќе има изолирана појава на нестабилност со пороен дожд и грмежи, а преодно стабилизирање на времето во четврток.
Под влијание на нова влажна и нестабилна воздушна маса врнежи повторно се очекуваат в петок. ар/нд/
Фото: МИА архива