Скопје, 12 јануари 2025 (МИА) - На 11.01.2025 во 19.55 часот во Скопје, на подрачјето на Центар, полициски службеници од Единицата за интервентна полиција при СВР Скопје, го лишиле од слобода Б.С.(18) од Скопје, затоа што кај него била пронајдена и одземена марихуана.

МВР денеска соопшти дека по целосно документирање на случајот ќе следува соодветен поднесок.

На 11.01.2025 во 20.50 часот во Скопје, на подрачјето на Центар, полициски службеници од Единицата за интервентна полиција при СВР Скопје лишиле од слобода малолетник од Скопје, затоа што кај него биле пронајдени и одземени  марихуана и дробилка. По целосно документирање на случајот ќе следува соодветен поднесок.

На 11.01.2025 во 23.10 часот во Скопје, на подрачјето на Центар, полициски службеници од Единицата за внатрешни работи Центар и Бит Пазар при СВР Скопје лишиле од слобода малолетник од с.Бардовци,скопско, затоа што кај него била пронајдена и одземена  марихуана. По целосно документирање на случајот ќе следува соодветен поднесок.

На 11.01.2025 во 21.15 часот во Скопје, на подрачјето на Карпош, полициски службеници од Единицата за интервентна полиција при СВР Скопје го лишиле од слобода Д.Н.(21) од Скопје, затоа што кај него била пронајдена и одземена марихуана. По целосно документирање на случајот ќе следува соодветен поднесок.

На 11.01.2025 во 18.00 часот во Скопје, на подрачјето на Карпош, полициски службеници од Единицата за интервентна полиција при СВР Скопје го лишиле од слобода А.С.(21) од Скопје, затоа што кај него била пронајдена и одземена марихуана. По целосно документирање на случајот ќе следува соодветен поднесок.

На 11.01.2025 во  13.10  часот во Скопје, на подрачјето на општина Аеродром, полициски службеници од Единицата за интервентна полиција при СВР Скопје го лишиле од слобода З.Д.(37) од Скопје, затоа што кај него била пронајдена и одземена марихуана. По целосно документирање на случајот ќе следува соодветен поднесок.

На 11.01.2025 во 18.30 часот во Скопје, на подрачјето на Гази Баба, полициски службеници од Единицата за интервентна полиција при СВР Скопје го лишиле од слобода Л.Р.(20) од Скопје, затоа што кај него биле пронајдени и одземени марихуана и дробилка. По документирање на случајот ќе следува соодветен поднесок.

На 11.01.2025 во 20.00 часот во Скопје, на подрачјето на Драчево, полициски службеници од Единицата за интервентна полиција при СВР Скопје го лишиле од слобода Б.Б.(22) од Скопје, затоа што кај него била пронајдена и одземена  марихуана. По целосно документирање на случајот ќе следува соодветен поднесок.

На 11.01.2025 во 23.10 часот во Скопје, на подрачјето на општина Аеродром, полициски службеници од Единицата за интервентна полиција при СВР Скопје привеле малолетник од Скопје, затоа што кај него бил пронајден и одземен нож. По целосно документирање на случајот ќе следува соодветен поднесок. 

На 11.01.2025 во 17.00 часот во Полициската станица Гази Баба, М.А.(21) од Скопје пријавил дека на ул.„516“ во населбата Керамидница во Скопје бил каснат од куче скитник.

На 11.01.2025 во 20.45 часот во СВР Скопје Џ.Е.(55) од Скопје пријавил дека на ул.„Антон Попов“ во Скопје, бил каснат од куче скитник.

На 11.01.2025 во Полициска станица Кочани, Н.Д.(29) од с.Оризари, кочанско пријавил дека во градскиот парк во Кочани, бил каснат од куче скитник.

На 12.01.2025 во 02.10 часот полициски службеници од ОВР Гостивар извршиле акциска контрола во угостителски објект во с. Добридол, гостиварско, при што поради злоупотреба на туристички престој, односно престојување спротивно на целта биле приведени седум странски државјанки, од кои пет од Бразил, една од Колумбија и една од Венецуела, на возраст од 22 до 34 години. Тие се задржани во полициска станица за понатамошна постапка.

На 11.01.2025 околу 14.30 часот во близина на место викано Караула Моин, полициски службеници од Полициската станица за граничен надзор и граничен премин Богородица ги лишиле од слобода О.И.(26), К.К.(53), Д.Т.(35) и Ж.У.(25), сите од гевгелиско, поради постоење основи на сомнение за сторено кривично дело „незаконит лов“ и „недозволено изработување, држење и тргување со оружје или распрскувачки материи“. Имено, при извршена контрола, кај О.И. била пронајдена ловна пушка „сухл“ и два ловечки патрона, кај К.К. ловна пушка „застава“ и девет ловечки патрони, а кај Д.Т. ловна пушка карабин „застава“ и 12 куршуми, како и други предмети. Известен бил јавен обвинител и по целосно документирање на случајот ќе следува соодветен поднесок. 

На 11.01.2025 во 08.39 часот во СВР Битола било пријавено дека на крстосница од ул. „Филип Втори Македонски’’ и ул. „Цане Василев’’ во Битола се случила сообраќајна несреќа во која учествувале товарно возило „фиат" со скопски регистарски ознаки, управувано од К.С.(24) од Битола и товарно возило „нисан" со битолски регистарски ознаки, управувано од Т.Ј.(41) од Битола, по што возилото „фиат" удрило во пешак З.Г.(55) од Р.Грција. З.Г. се здобила со тешки телесни повреди, констатирани во Клиничка болница Битола. Увид извршила увидната екипа на СВР Битола. цр/

Фото: МИА архива