Лајчак: Дијалогот Белград-Приштина ќе продолжи в понеделник, лидерите ќе мора да се позанимаваат со договорот
- Специјалниот пратеник на ЕУ за дијалог меѓу Белград и Приштина, Мирослав Лајчак, денеска најави дека следниот понеделник во Брисел ќе продолжат дискусиите за одлуката за готовинските трансакции во Косово.
Брисел, 19 март 2024 (МИА) – Специјалниот пратеник на ЕУ за дијалог меѓу Белград и Приштина, Мирослав Лајчак, денеска најави дека следниот понеделник во Брисел ќе продолжат дискусиите за одлуката за готовинските трансакции во Косово.
Тој на социјалната мрежа Х соопшти дека денеска со главните преговарачи на Белград и Приштина, Петар Петковиќ и Бесник Бислими разговарал за спроведувањето на Договорот за патот кон нормализација, како и за влијанието на одлуката врз готовинските трансакции.
- Се договоривме да продолжиме со ова прашање следниот понеделник, додека лидерите ќе мора да се позанимаваат со Договорот, напиша тој. јт/
Hosted the two Chief negotiators to discuss implementing the Agreement on the Path to Normalisation and other issues, incl. the impact of the decision on cash operations. We agreed to continue on this issue next Monday, while the Agreement will need to be addressed by the leaders pic.twitter.com/y6B6P42h0g
— Miroslav Lajčák (@MiroslavLajcak) March 19, 2024