Кавадарци, 2 февруари 2026 (МИА) - Голи Оток и Брушанско Маало се двете населби што денеска остануваат без вода за пиење поради дефект, информираа доцна синоќа од Јавното претпријатие „Комуналец“ од Кавадарци.

- Поради дефект на главна линија за дел од високата зона на градот, без вода за пиење ќе останат населбите Брушанско Маало и Голи Оток - соопштија од претпријатието.

Од претпријатието посочија дека прекинот во водоснабдувањето за двете населби ќе трае додека да се отстрани дефектот и да се нормализира снабдувањето со вода за пиење.

Од „Комуналец“ побараа разбирање од жителите на овие две населби. свд/вј/

Фото: МИА архива