Вашингтон, 14 јули 2024 (МИА) - Тројца извори за спроведување на законот потврдија за Си-Ен-Ен дека напаѓачот бил надвор од местото на митингот на поранешниот претседател Доналд Трамп во Пенсилванија.

Два од тие извори велат дека лицето кое пукало било на покрив, надвор од местото на настанот. Повеќе извори од органите за спроведување на законот го нарекоа ова лице како снајперист, иако дополнителни детали за тоа не се јасни.

Окружниот обвинител на округот Батлер, Ричард Голдингер, рече дека неговиот главен детектив му кажал дека напаѓачот бил во зграда во непосредна близина на местото на митингот и дека нема дополнителни детали за лицето.

„Најверојатно пукал од пушка бидејќи бил оддалечен неколку стотици јарди“. (еден јард = 0.9 метри). зш/