Белгород, 30 август 2025 (МИА) – Украинската војска во текот на изминатиот ден со околу 100 дронови нападна населби во Белгородската област, а во тие напади загина едно лице, а седум се повредени, соопшти денеска регионалниот гувернер, Вјачеслав Гладков.

Според него, во изминатите 24 часа украинските сили со 97 дронови нападнале 48 населби, 30 беспилотни летала се соборени, а испукани се и 34 гранати.

Различни оштетувања се пријавени на 18 приватни домаќинства, четири претпријатија, еден општествено-комерцијален објект, магацин, земјоделско претпријатие и на 20 возила. јт/

Фото: Гладков на Телеграм