Каиро, 6 октомври 2025 (МИА) - Египетскиот претседател Абдел Фатах ел-Сиси денеска го поздрави планот на американскиот претседател Доналд Трамп за Газа, додека претставниците на Хамас и Израел треба да одржат индиректни разговори во Египет за размена на заложниците и затворениците и за прекин на огнот.

-Можам само да ја изразам мојата пофалба и благодарност до американскиот претседател Доналд Трамп за неговата иницијатива за воспоставување прекин на огнот во Газа, рече тој во говорот по повод годишнината од арапско-израелската војна од октомври 1973 година во Ел Сиси.

Прекинот на огнот, враќањето на затворениците, обновата на Газа и започнувањето на мирен политички процес што води кон воспоставување и признавање на палестинска држава значат дека сме на вистинскиот пат кон траен мир и стабилност, додаде египетскиот претседател.

Планот, што Трамп го презентираше пред седум дена заедно со израелскиот премиер Бенјамин Нетанјаху, предвидува прекин на огнот, ослободување на заложниците држени во Газа во рок од 72 часа, разоружување на палестинското движење и постепено повлекување на Израел од територијата.сд/

фото:МИА архива