Штип, 31 декември 2024 (МИА) - Градоначалникот на Општина Штип, Иван Јорданов денеска ги врачи вредносните ваучери на сите претставници на институциите, кои што ќе бидат дежурни на Новогодишната ноќ. Ваквите враучери, традиционално секоја година се даваат на институциите со цел им се оддаде почит и внимание во пресрет на празниците. Јорданов на дежурните екипи им посака да имаат помалку работа и да бидат ефикасни на својата задача и понатаму во следната година.

-Традиционално на испраќањето на старата година и денот кога се дочекува новата година, остваривме средба со претставници на институциите, кој што вечерва ќе бидат дежурни. Во име добрата соработка традиционално секоја година и врачуваме вредносен ваучер. Посакувам и оваа година службите и институциите кои што ќе бидат дежурни да имаат помалку работа да бидат ефикасни на висина на задачата, имајќи во предвид дека оваа година ќе имаме и јавен организиран дочек, изјави Јорданов.

Претставниците на институциите посакаа наредната година да биде со помалку интервенции на терен, а граѓаните да има добро здравје и убави мигови.

Инаку настанот се одржа во просториите на Општина Штип, а на истиот присуствуваа сите одговорни лица од инстуциите на Итната медицинска помош, ТППЕ, ЦУК Затвор-Штип, Филтер станицата, Армијата и други институции.

Штипскиот градоначалник, Јорданов ги повика граѓаните да ја пречакаат Новата година на шеталиштето „Ванчо Прќе“.

 -Вечерва заедно со моите сограѓани во центарот на градот, за дочекот на новата ќе бидам на шеталиштето „Ванчо Прќе“ и еве отворено ги повикувам сите наши сограѓани да ни се придружат и вечерва заедно да со добра забава и музика ја испратиме старата 2024 и да ја дочекаме 2025 со желба за многу успех, здравје, бериќет и нормално среќа во 2025 година, рече Јорданов

Вечерва со почеток од 21 часот на шеталиштето ќе настапат познати имиња и бендови од градот.вдј/бт/

Фото: МИА