Во Штип почна Светската недела на италијанската кујна
- Почна Светската недела на италијанската куќа, а во Штип синоќа се одржа големиот натпревар „Пица или Пастрамајлија“.
![Во Штип почна Светската недела на италијанската кујна](https://mia.mk/images/20231123102434_big_730x400_43.webp )
Штип, 23 ноември 2023 (МИА) - Почна Светската недела на италијанската кујна, а во Штип синоќа се одржа големиот натпревар „Пица или Пастрамајлија“.
Амбасадорот на Република Италија во Република Северна Македонија Андреа Силвестри истакна дека се споредуваат два скапоцени специјалитети на италијанската и македонската кујна.
-Многу сум среќен што оваа година италијанската Влада ја кандидира италијанската кујна за нематеријалното богатство на УНЕСКО, бидејќи италијанската кујна не е само храна и рецепти, таа е богатство за сите граѓани и пријатели на италијанската кујна, вели Силвестри.
Градоначалникот на Општина Штип Иван Јорданов истакна дека е чест и задоволство да се присуствува на ваков настан, којшто ја покажува долгогодишната соработка меѓу двете земји.
-Штип е познат по традиционалната штипска пастрамајлија, но сега имаме можност да гледаме како на традиционален начин се подготвува и традиционалната италијанска храна, а тоа е пицата, којашто ќе се компарира со нашиот бренд штипската пастрамајлија, вели Јорданов.
Познати пица мајстори од земјава и Италија за присутните гости во „Локал и кичен бар“ ги проготвуваа познатите специјалитети. вдј/мд/
Фото: МИА