Штип, 26 декември 2023 (МИА) - Во штипското село Лакавица денеска се асфалтираше улица. Градоначалникот на Општина Штип, Иван Јорданов при увидот во градежните активности рече дека станува збор за инвестиција од 618.000 денари.

- Оваа година ја завршуваме со асфалтирање на една улица во село Лакавица. Морам да истакнам дека оваа година исто така реализиравме и направивме асфалтирање на друга улица која беше потреба на жителите од ова населено место. За догодина се предвидува и инвестиција во делот на водоводната мрежа која е застарена и која создава проблеми на жителите од ова село, рече Јорданов.

Тој посочи дека децении наназад немало инвестиции во штипското село Лакавица. Вели токму затоа потребите на жителите останале нереализирани до сега. Потенцира дека во годините кои доаѓаат се предвидени низа проекти за ова населено место. вдј/ир

Фото: МИА