Штип, 10 јуни 2024 (МИА) - Ова лето ќе има големи  градежните активности во штипската населба Леваци, најави на денешната прес-конференција градоначалникот на Општина Штип, Иван Јорданов. Во оваа населба ќе се работи на реконструкција и на водоводната и канализациона мрежа, како и на асфалтирање на улици и краци.Тој упати апел граѓаните да имаат разбирање, бидејќи поради градежните активности ќе има и изменет сообраќај. Во оваа населба ќе се инвестираат околу 30 милиони денари.

-Сигурно дека ќе има измена на сообраќајниот режим, отежаното функционирање, но во интерес на жителите од оваа населба за решавање на целокупната инфраструктура. Овде повеќе од 40 години не се инвестирало. Ги замолуваме жителите од оваа населба на разбирање и им се извинуваме однапред, вели Јорданов.

Тој на денешната прес-конференција рече дека во тек е и партерно  уредување на  влезовите пред станбени згради на улицата „Коле Неделков“ во Штип, а која е дел од оваа урбана заедница. Во моментов се работи на неколку инфраструктурни проекти и во населби Осми Ноември и Сењак. вдј/дма/

Фото: МИА