Во Пехчево реализирана акција за засадување дрвца кај локалитетот Св.Петка
Пехчево, 21 март 2023 (МИА) - Во Пехчево реализирана акција за засадување дрвца кај локалитетот Св.Петка. Во акцијата учествуваше дел од општинската администрација, како и вработени во ЈП Македонски шуми ПШС „Равна Река“.
-Акцијата се реализираше по повод одбележувањето на денот на пролетта од страна на ЈП Македонски шуми ПШС „Равна Река“ – Пехчево. Целта на истата беше да се обнови шумата на опожарените места и да го вратиме изгледот на нашата природа онаков каков што беше пред пожарите, информираше градоначалникот на Пехчево Александар Китански кој учествуваше во оваа акција.
Во акцијата како што додаде се вклучија и вработени од други институции од Пехчево како и дел од локалното населението.
-Во рамки на акцијата беа засадени околу 2000 садници. Главната порака која заеднички ја упативме е дека едно засадено дрвце е иднината на многу генерации кои ќе ги користат благодетите од нашата убава природа, додаде Китански.
Најави дека ќе се продолжи со ваквите активности за да се обноват сите опожарени површни на територијата на Општина Пехчево. вс/аа/
Фото: МИА
