• недела, 09 јуни 2024

„Бараме климатска акција сега!“ во Градски парк

„Бараме климатска акција сега!“ во Градски парк

Скопје, 25 мај 2024 (МИА) - Во Градски парк на Школка денеска ќе се одржи настан „Бараме климатска акција сега!“ на којшто ќе биде упатена порака за преземање акција за превенција од негативните климатски влијанија врз нашата држава, во организација на „Гоу грин Скопје“.

Како што соопштија организаторите, на настанот ќе има зелени штандови што ќе ги претстават локалните бизниси и организации, промовирајќи еколошки свесен начин на живот.

Овие штандови овозможуваат сите преку личен пример и акција да придонесат кон подобра животна средина преку мали, но значајни промени во нашите секојдневни навики, стои во соопштението.

Исто така, додаваат оттаму, младите ќе имаат можност преку инфо-точките на Гоу Грин да се запознаат поблиску со програмите и активностите што ги нудиме за нив и претставува одлична можност за младите да се вклучат и да станат дел од климатската акција која е од витално значење за нашата иднина.

Преку различни активности, игри - правење на бомби од семиња, боење на банери и лица, ќе се придонесе за креативна и забавна атмосфера на настанот, додаваат организаторите на настанот. нд/

 

 

Остани поврзан