• четврток, 18 април 2024

Абас го повтори своето противење на плановите на Израел за операција во Рафа

Абас го повтори своето противење на плановите на Израел за операција во Рафа

Аман, 25 февруари 2024 (МИА) - Претседателот на палестинската управа Махмуд Абас денеска во разговор со јорданскиот крал Абдула Втори во Аман изјави дека се противи на израелските планови за воена операција во Рафа, најјужниот град во Појасот Газа, каде што има повеќе од милион Палестинци.

Повеќето од тие Палестинци заминале во Рафа бегајќи од борбите во другите делови на енклавата, објавија медиумите на арапски јазик.

Абас и јорданскиот крал разговараа за последните случувања во војната меѓу Израел и Хамас во Газа, како и за напорите за зголемување на количината на хуманитарна помош за Палестинците во енклавата, особено нејзиниот северен дел.

Во разговорот беше истакната потребата да се дозволи слобода на вероисповед за Палестинците во џамијата Ал Акса за време на претстојниот Рамазан, откако минатата недела беше објавено дека израелската влада размислува да го ограничи бројот на луѓе на кои ќе им се дозволи да влезат, објави  Тајмс оф Израел. паг/

Фото: МИА архива

Можно е и ова да ти се допаѓа

Остани поврзан