Сан Салвадор, 22 јануари 2025 (МИА) - Поранешниот претседател на Салвадор, Маурицио Фунес почина на 65-годишна возраст во Никарагва, каде што доби азил. Владата на Никарагва ја објави неговата смрт, наведувајќи го како причина „тешко хронично заболување“, објави шпанска новинска агенција.

Во соопштението, Министерството за здравство на Никарагва потврди дека Фунес починал вчера во 21:35 часот. Фунес живееше во Никарагва откако побара азил таму поради правните предизвици во Ел Салвадор.

Фунес беше контроверзна политичка фигура. Тој беше претседател на Ел Салвадор од 2009 до 2014 година. Неговата смрт го означува крајот на сложениот период во политичката историја на Централна Америка. рп/

Фото: ЕПА