Стокхолм, 3 октомври 2023 (МИА) - Модерна технологија, вклучувајќи беспилотни летала и препознавање на лица и регистарски таблички, ќе биде употребена за борба против широко распространетиот криминал на банди во Шведска, открија денеска владините претставници во Стокхолм.

Според нив новото законодавство ќе ја олесни соработката меѓу полицијата и другите власти.

Софтверот за препознавање лице треба да се користи за да се идентификуваат познати членови на бандата, а регистарските таблички автоматски се снимаат. Полицијата ќе биде овластена да распоредува беспилотни летала во поголема мера.

-Мерките треба брзо да се следат со цел да се подготви владин предлог во рок од осум месеци, рече министерот за правда Гунар Штромер.

Бран пукотници и експлозии го потресе шведското општество. Во текот на септември, 11 лица беа застрелани и убиени, а една жена загина во експлозија.

Смртта е поврзана со насилство меѓу бандите, фокусирано на трговијата со нелегални дроги. Меѓу жртвите има и малолетници, многу од нив од имигрантските заедници. мс/

фото: МИА архива