Сакраменто, 29 јануари 2025 (МИА) – Кошаркарот на Сакраменто кингс, Де'Арон Фокс би можел да го смени тимот. „Кралевите“ ќе се обидат да го разменат играчот кој нема намера да го продолжи договорот со клубот.

Според инсајдерот на ESPN, Шамс Чаранија, Фокс не ги гледа Лос Анџелес лејкерс како тим каде што би сакал да ја продолжи кариерата иако се шпекулираше за таков трансфер.

Сан Антонио важи за најдобра опција за плејмејкерот.

Се очекува Сакраменто Кингс да започнат разговори со Де'Арон Фокс за да се запази рокот за „трејдување“ 6 февруари.

Договорот на Фокс со Кингс трае до сезоната 2025/26, во текот на која тој ќе заработи 37,1 милиони долари. зс/

Фото: ЕПА