Уште еден контингент од 24 унгарски полицајци испратен во Србија
- Со цел да се спречи илегален влез на мигранти во земјата и на територијата на Европската Унија, унгарската полиција го испрати 21-от контингент од 24 полицајци во Србија, јави Бета.
![Уште еден контингент од 24 унгарски полицајци испратен во Србија](https://mia.mk/index.php/images/20240822101348_big_730x400_83.webp )
Суботица, 22 август, 2024 (МИА) - Со цел да се спречи илегален влез на мигранти во земјата и на територијата на Европската Унија, унгарската полиција го испрати 21-от контингент од 24 полицајци во Србија, јави Бета.
Според информациите објавени на веб-страницата на унгарската полиција, полициски службеници ќе вршат патролни задачи со цел спречување и откривање илегални преминувања на границата, како и учество во апсење на лица инволвирани во криумчарење илегални мигранти.
Унгарските полицајци ќе ја користат личната опрема за време на извршувањето на задачите, а нивната работа ќе биде под надзор и водство на надлежните безбедносни органи на земјата домаќин.ссм/
фото: архива