Тројца загинати и стотици повредени откако тајфунот Гаеми го погоди Тајван
- Тајфунот Гаеми усмрти три лица во Тајван, а властите ја продолжуваа потрагата по деветте членови од екипажот на вчера потонатиот брод во близина на јужниот брег на островот
Тајпеј, 25 јули 2024 (МИА) - Тајфунот Гаеми усмрти три лица во Тајван, а властите ја продолжуваа потрагата по деветте членови од екипажот на вчера потонатиот брод во близина на јужниот брег на островот.
При налетот на тајфунот стотици луѓе се повредени. Поради Гаеми и денеска училиштата и институциите ќе бидат затворени. Над 8.000 луѓе се евакуирани, а околу 200 летови се откажани.
Тајфунот Гаеми се очекува денеска да ја погоди кинеската провинција Фуџијан.
Додека во главниот град на Филипини, Манила поради тајфунот вчера е прогласена вонредна состојба. ми/
фото: МИА архива