Тер Штеген ќе го продолжи договорот со Барселона до 2025 година
- Барселона се согласи да го продолжи договорот со голманот Марк-Андре тер Штеген.
![Тер Штеген ќе го продолжи договорот со Барселона до 2025 година](https://mia.mk/index.php/images/20221104164621_big_730x400_75.webp )
Барселона, 6 август 2020 (МИА) - Барселона се согласи да го продолжи договорот со голманот Марк-Андре тер Штеген.
Според „Мундо Депортиво“ новиот договор со 28-годишниот Германец ќе се пресмета до крајот на јуни 2025 година. Актуелниот договор на голманот со каталонскиот клуб важи до крајот на јуни 2022 година.
Во сезоната 2019/20, Тер Штеген одигра 44 натпревари за Барселона и прими 41 гол. Порталот „Transfermarkt.com“ ја проценува вредноста на голманот на 72 милиони евра.
Претходно во медиумите имаше информации за интересот на Челзи за германскиот чувар на мрежата. зс/