Со јапонска помош обновено училиштето во селото Добрушево во Општина Могила
![Со јапонска помош обновено училиштето во селото Добрушево во Општина Могила](https://mia.mk/index.php/images/20221105194214_big_730x400_19.webp )
Битола, 1 февруари 2021 (МИА) - Градоначалничката на Општина Могила Јасмина Гулевска и Такахаши Сатору, заменик шеф на мисијата на Амбасадата на Јапонија промовираа проект со кој целосно е реновирано на основното училиште „Браќа Миладиновци“ во тамошното село Добрушево.
Со реализација на проектот извршена е целосна реконструкција на училиштето, поставени се нови прозорци, врати, покрив, одвод и нов систем за греење.
Вкупната инвестиција изнесува 54.325 евра, а со единствена цел да се подобрат условите за наставниот процес во основното училиште „Браќа Миладиновци“, беше посочено на промотивниот настан во пелагониската Општина.
![Могила училиште](/articles/images/so-aponska-pomosh-obnoveno-uchilishteto-vo-seloto-dobrushevo-vo-opshti/QxYSqLF6C/placeholder.webp?use_watermark=0)
-Јапонскиот народ е среќен за сите граѓани на Општина Могила кои ќе имаат бенефит од овој проект. Преку програмата за мали грантови (GGP), Јапонија финансира проекти за реновирање и обезбедување опрема за повеќе од 70 училишта и 47 здравствени установи и обезбеди 31 возило за одржување и комунални возила за 49 општини, истакна Сатору за време на неговиот престој во Добрушево. мт/нд/