Сончево и топло време, температура до 36 степени
- Во Скопје се очекува времето да биде сончево и топло, со мала до умерена облачност, поголема попладне и со слаб до умерен ветер од североисточен правец. Минималната температура ќе се спушти до 17, а максималната ќе достигне до 36 степени.
![Сончево и топло време, температура до 36 степени](https://mia.mk/index.php/images/20240826180745_big_730x400_20.webp )
Скопје, 27 август 2024 (МИА) - Времето денеска ќе биде сончево и топло со мала до умерена облачност и со слаб до умерен ветер од северен правец. Попладне, претежно во северозападните планински подрачја, ќе има услови за краткотраен дожд и ретки грмежи. Максималната температура ќе достигне од 30 до 36 степени. УВ-индексот ќе има вредност 7, информираат од Управата за хидрометеоролошки работи.
Во Скопје се очекува времето да биде сончево и топло, со мала до умерена облачност, поголема попладне и со слаб до умерен ветер од североисточен правец. Минималната температура ќе се спушти до 17, а максималната ќе достигне до 36 степени.
За утре најавено е нестабилно време, претежно во северозападните делови од земјата. Повеќе услови за нестабилност ќе има од четврток, кога на повеќе места се најавува појава на пороен дожд, грмежи и засилен ветер. Дневната температура ќе биде во постепено опаѓање. бд/аа/
Фото: МИА архива