Варшава, 14 август 2024 (МИА) - На Националниот стадион во Варшава (Полска), вечер за Суперкупот на УЕФА ќе се борат Реал Мадрид и Аталанта.

Ова ќе биде натпревар меѓу победниците во Лигата на шампионите и Лигата на Европа.

Реал Мадрид ја освои Лигата на шампионите во сезоната 2023/24, победувајќи ја Борусија Дортмунд во финалето (2:0). Аталанта ја освои Лигата на Европа, победувајќи го Баер Леверкузен во финалниот натпревар (3:0) и стави крај на рекордната серија на Леверкузен без пораз.

Аталанта за прв пат учествува во натпревар од Суперкупот на УЕФА. Реал Мадрид осум пати се натпреваруваше за трофејот, а пет пати победи.

Актуелен освојувач на Суперкупот е Манчестер сити. Во 2023 година „граѓаните“ ја совладаа Севилја (1:1, пенали - 5:4). зс/

Фото: Фејсбук УЕФА