Гома, 27 јануари 2025 (МИА) - Членови на конгоанската бунтовничка група М23 денеска влегле во центарот на градот Гома на истокот на Конго, велат очевидци. Овие тврдења на жителите на Гома се снимени само неколку часа откако бунтовниците објавија дека го освоиле градот, и покрај тоа што Советот за безбедност на Обединетите нации бараше да ја прекинат офанзивата.

Сè уште не е јасно дали бунтовничката група М23 поддржана од Руанда го зазеде целиот град Гома, но припадниците на војската и мировниците на Обединетите нации остануваат на аеродромот, потврдија локален претставник и извор од Обединетите нации.

Неодамнешното напредување на бунтовниците принуди илјадници луѓе во источно Конго, регион богат со минерали, да ги напуштат своите домови и ги зголеми стравувањата од конфликт што би можел повторно да разгори поширока регионална војна. мс/

фото: МИА архива