Скопје, 29 декември 2024 

Демократската Унија за Интеграција (ДУИ) остро го осудува усвојувањето на законот во Собранието, предложен од Министерството за образование, со поддршка на ВЛЕН-ДПМНЕ, со кој се забранува употребата на Националниот Буквар – значаен симбол на албанскиот јазик и идентитет, кој го користат сите Албанци низ светот.

Иронично, само пред неколку недели, градоначалници од ВЛЕН го промовираа и дистрибуираа овој буквар како дел од проект на претходната влада, нарекувајќи го значајно постигнување за албанските ученици.

Денес, истите луѓе предложија и гласаа за неговата забрана, испраќајќи јасна порака за недостатокот на почит кон албанскиот јазик и образовните права на Албанците.

Дополнителен удар врз еднаквоста и правата на Албанците е воведувањето задолжителен тест само за македонскиот јазик за сите кандидати за директори на основните училишта, дури и во училишта каде наставата се одвива исклучиво на албански јазик.

Овој потег е дискриминаторски и создава длабока асиметрија помеѓу македонскиот и албанскиот јазик, поткопувајќи ја важноста и еднаквоста што ја гарантира Уставот.

ДУИ изразува длабока загриженост за овие мерки, кои не само што ги загрозуваат правата на Албанците, туку го поткопуваат и единството и општествената кохезија во државата. Обидите за институционално и законски ограничување на значењето на албанскиот јазик и дискриминацијата на Албанците во областа на образованието се неприфатливи и во целосна спротивност со евроатлантските аспирации на нашата земја.

Доста е!

Апелираме до актуелната влада, која има моноетнички легитимитет, да се откаже од овие раздорни политики и да го врати фокусот на соживотот, еднаквоста и взаемната почит меѓу заедниците. Албанците дале многу за оваа држава и заслужуваат да бидат третирани со достоинство и почит.

ДУИ ќе продолжи да ги брани правата и интересите на Албанците на секое ниво и ќе ги користи сите демократски средства за да обезбеди еднаквост и правда.

ДУИ ќе поддржи секоја меѓупартиска дебата во интерес на деполитизацијата на образованието.

Прес-конференција на Лиридон Диша

Демократска унија за интеграции 

_____________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.