Пожар во историска зграда во центарот на Лондон, околу 100 пожарникари на терен
- Околу сто пожарникари од петнаесет противпожарни служби го гаснат пожарот што избувна денеска на покривот на културниот центар Сомерсет Хаус во срцето на Лондон, објавија британските медиуми, повикувајќи се на објава на противпожарната служба на британската престолнина на „Х“.
![Пожар во историска зграда во центарот на Лондон, околу 100 пожарникари на терен](https://mia.mk/index.php/images/20240817162215_big_730x400_43.webp )
Лондон, 17 август 2024 (МИА) - Околу сто пожарникари од петнаесет противпожарни служби го гаснат пожарот што избувна денеска на покривот на културниот центар Сомерсет Хаус во срцето на Лондон, објавија британските медиуми, повикувајќи се на објава на противпожарната служба на британската престолнина на „Х“.
-Причината за пожарот сè уште не е позната, се вели во соопштението на лондонската противпожарна бригада. Екипите се борат со пламените јазици, кои се локализирани на дел од покривот, се додава.
Зградата, која се наоѓа на брегот на реката Темза, била изградена во 1547 година, а во тоа време била кралска палата. Галеријата Courtauld, во која се сместени некои од најголемите уметнички колекции во светот, се наоѓа во нејзиното северно крило.
Според информациите на ТВ каналот Скај њуз, денеска во Сомерсет хаус треба да се одржи брејк денс фестивал. мс/
фото: Принтскрин „Х“