Овие печени компири со сусам се едноставно, ароматично и здраво јадење што совршено се комбинира со разни главни оброци. Крцкави однадвор, меки одвнатре и богати со мирис на мајчина душица и рузмарин – идеални се за семејни трпези или брз ручек.

Состојки:

• 1 кг компири
• 1 рамна лажичка сол
• 1 рамна лажичка мешан зачин
• 1 рамна лажичка бибер
• 1 рамна лажичка мелена слатка црвена пипер
• 1 полна лажичка сушена мајчина душица
• 1/2 лажичка сушен рузмарин
• 2 полни лажици интегрален сусам
• 1 лажица црн сусам
• Малку маслиново масло

Подготовка:
Компирите излупете ги и исечете ги на парчиња или коцки по желба.
Ставете ги во голем сад и додајте сол, мешан зачин, бибер, црвена пипер, мајчина душица и рузмарин.
Додадете малку маслиново масло и убаво измешајте за да се обложат сите парчиња компир.
Потоа додајте го сусамот и повторно промешајте.
Ставете ги компирите во плех обложен со хартија за печење.
Печете ги во загреана рерна на 200°C околу 35–45 минути, додека не поруменат и не станат крцкави.
Послужување:
Се сервираат топли, како прилог или како лесно самостојно јадење.

Фото: Фрипик