Одбележување на 69-от роденден на Општина Кисела Вода
- СООПШТЕНИЕ: Настанот го отворија „Данса Латина Стефи", по што следеше интерактивна музичко-драмска претстава од популарните „Триангл". Настапија и од децата од градинките и училиштата во општината, а за сето време, се одвиваат семејни спортски активности. Бесплатно беше достапна фото кабина за сите посетители, па од настанот сите си понесоа фотографија за спомен.
![Одбележување на 69-от роденден на Општина Кисела Вода](https://mia.mk/index.php/images/20240629154913_big_730x400_35.webp )
Скопје, 29 јуни 2024
Со прекрасна забава наменета за целото семејство, а пред сѐ за децата, започна денешното одбележување на роденденскиот ден на Општина Кисела Вода. Во паркот Македонија одекнуваше музика, со голема радост децата си играа на поставените трамболини, а присутните ги забавуваа аниматори и кловнови.
Настанот го отворија „Данса Латина Стефи", по што следеше интерактивна музичко-драмска претстава од популарните „Триангл". Настапија и од децата од градинките и училиштата во општината, а за сето време, се одвиваат семејни спортски активности. Бесплатно беше достапна фото кабина за сите посетители, па од настанот сите си понесоа фотографија за спомен.
– Среќата и радоста на овие дечиња кои денеска со своите родители прекрасно си поминаа на настанот посветен токму за нив во паркот ,,Македонија”, говори за тоа дека сме на правиот пат. Со многу музика, аниматори, забавувачи, игра - нашите најмлади жители ни покажаа дека детската радост и енергија се неисцрпни кај нив и дека ваквите дружења кои недостигаа во минатото, мора да се случуваат сѐ почесто. Токму тоа и го правиме. За нив, нашите најмили и нашата иднина. А вечерва, следува големиот концерт на „Суперхикс” кои ќе приредат уште една вечер за паметење. Ве поканувам сите, нека вечерва Кисела Вода повторно биде центарот на Скопје и Македонија! Се гледаме на истото место, пред салата Расадник, изјави градоначалникот Орце Ѓорѓиевски.
Општина Кисела Вода
________________________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.