Објавени конкурсите за наградите „22 Ноември“ и „11 Октомври“
- Министерството за култура соопшти дека се објавени конкурсите за доделување на државните награди „22 Ноември“ и „11 Октомври“ за оваа година.
![Објавени конкурсите за наградите „22 Ноември“ и „11 Октомври“](https://mia.mk/index.php/images/20221113121337_big_730x400_91.webp )
Скопје, 29 април 2022 (МИА) - Министерството за култура соопшти дека се објавени конкурсите за доделување на државните награди „22 Ноември“ и „11 Октомври“ за оваа година.
Со наградата „11 Октомври“ се оддава највисоко признание за животно дело во областа на науката, уметноста, стопанството и во другите дејности од јавен интерес.
Во една година можат да се доделат најмногу пет награди.
Со наградата „22 Ноември“ се оддава признание на луѓе од политичкиот, културниот и општествениот живот во државата кои дале свој придонес во упаредувањето на меѓучовечкиот соживот и меѓусебно разбирање меѓу припадниците на различните заедници, култури и вери во Северна Македонија.
Во една година можат да се доделат најмногу до две награди.
Државната награда „22 Ноември“ се врачува во Собранието на 22 ноември – Ден на албанската азбука.
Конкурсот за овие награди трае од 1 до 31 мај. бт/сп/