Софија, 25 март 2025 (МИА/БТА) - Образованието, знаењата и вештините ги разгледаа учесниците на денешната трансгранична конференција „Европа на Балканот: Заедно преку знаење“ во Одрин. Форумот е дел од серија конференции што Бугарската телеграфска агенција (БТА) ги организира по проект, реализиран со поддршка на Европската комисија.

Ова е веста, која денеска ја избра МИА од сервисот на Бугарската телеграфска агенција (БТА), согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат по една вест, која ќе ја објават на својот интернет сајт без промени со изрично посочување и цитирање на партнерот како извор.

Бугарски и турски универзитети реализираат заеднички научни проекти во области како чиста енергија, клима, животна средина и иновации, рече Радослава Кафедџиска, генерален конзул на Бугарија во Одрин, за време на форумот. Во моментов од Турција во Бугарија се обучуваат малку над 20 докторанти од Турција, кои традиционално се специјализираат во областа на медицината и инженерските науки, рече конзулот. Според нејзините зборови, двете страни имаат и активна размена по „Еразмус+“. Во последните 10 години по оваа програма нашата земја ја посетиле 6080 млади турски граѓани и 3077 наставници, информира Кафедџиска.

Ако не можеме да ги приспособиме нашите образовни системи кон потребите на технолошките промени, нема да постигнеме ништо, изјави доц. Емре Атлган од Тракискиот универзитет – Одрин. Доц. Атлган забележа дека денес нема граници за достигнување на каква било информација, а вредно е умеењето да поставиш добар прашање. Информацијата не е сопственост на никого, па затоа треба да создадеме ученици, млади, кои знаат како да поставуваат прашања, рече тој.

Тракискиот универзитет е еден од најважните во регионот со 50 000 студенти и наставници, рече проф. д-р Емел Ѓоненч Ѓулер од Тракискиот универзитет. Податоците ни покажуваат колку е важна туристичката дејност и нејзиното влијание. Баба Марта се слави веќе и кај нас, на 1 март сите си земаме мартеници и ја дочекуваме пролетта, раскажа проф. Ѓулер. Со нашата туристичка асоцијација работиме на проект во кој во рамките на еден ден може да се патува во рамките на Бугарија, Грција и Турција и да се видат туристичките места. Во рамките на проектот почнавме со појадок во Бугарија, продолживме на ручек во Грција и вечеравме во Турција. Сакаме да го поттикнеме целиот свет да се вклучи, објасни таа.

Одрин е вратата и за нашиот универзитет, кој пред точно 30 години го склучил првиот меѓународен договор со универзитет од Република Турција - со Тракискиот универзитет, изјави ректорот на Бургаскиот слободен универзитет проф. Милен Балтов.
Тој раскажа за хакатонот „Како да го направиме Бургас позелен град“, кој се одржа во Бургаскиот слободен универзитет во ноември 2024 година. Тимот на Жулија Странџалиева, Валерија Праматарова, Нија Обретенова од Гимназијата за изучување на романски јазици „Г. С. Раковски“ во Бургас тогаш го освои хакатонот со проектот Greex waves за робот што чисти нафта, пластика и различни пестициди од океаните ширум светот. Секоја година во Светскиот океан се фрлаат над 14 милијарди тони отпад, и ако загадувањето продолжи со истото темпо, по 30 години во океаните ќе има повеќе отпад отколку живот, што е предуслов за екокатастрофа, сметаат учесничките во хакатонот.
Од особено големо значење се меѓународните односи, бидејќи соединението ја прави силата, смета гл. ас. Мехмед Халил од Тракискиот универзитет – Стара Загора. Взаимоотношенията ни со универзитетите во Турција се стабилни. Целта ни е да ја задржиме оваа стабилност и во иднина да ги зацврстиме взаимоотношенията со универзитетите. Од големо значење е да соработуваме и со бизнисот и со науката, рече Халил.

Ветеринарномедицинскиот факултет на Тракискиот универзитет во Стара Загора има околу 800 студенти на бугарски јазик и повеќе од 10 години универзитетот нуди настава на англиски јазик, во која се вклучени околу 300 студенти од различни држави, најмногу од Грција и Турција. Вкупно студентите на целиот универзитет се над 10 000, посочи доц. Иван Фасулков, декан на Ветеринарномедицинскиот факултет. Факултетот има 102-годишна историја. Во последните години Тракискиот универзитет, благодарение на напорите на низа ректорски и декански раководства, значително ја прошири својата научно-истражувачка и проектна дејност, рече Фасулков. Универзитетот има аграрен факултет, ветеринарномедицински, медицински, педагошки, факултет за техники и технологии, додаде деканът.

Во 2025 година во Универзитетот за прехранбени технологии во Пловдив се реализираат 12 проекти кон фондот „Научни истражувања“, поврзани со употребата на алтернативни и протеински извори и можности за искористување на отпадот, како и за создавање на инженерски биоматеријали за директно зафаќање на јаглерод диоксид, одржливи агрохранливи системи и развивање на иновативни прехранбени производи. Ова го рече Константина Хаџијска, студентка во Универзитетот за прехранбени технологии во Пловдив.

Медиумската информативна агенција овие текстови ги објавува во оригинална форма, согласно Договорот за размена на информации и професионална соработка меѓу двете национални новински агенции МИА и БТА.