Приштина, 5 август 2025 (МИА) -  Специјалното обвинителство во Приштина поднесе обвинение до Основниот суд  против помошникот-директор на српската Канцеларија за Косово и Метохија, Игор Поповиќ, за, како што е наведено, кривично дело „предизвикување раздор и нетрпеливост“.
Во обвинението се наведува дека Поповиќ е обвинет за намерно поттикнување и јавно ширење омраза и нетрпеливост меѓу етничките групи, на 18 јули годинава во Ораховац.
Во соопштението, Обвинителството тврди дека Поповиќ се изјаснил за виновен за кривичното дело за кое се товари и додава дека врз основа на тоа, до Основниот суд во Приштина е поднесена спогодба за признавање вина.

Поповиќ беше уапсен на 18 јули на преминот Брњак.

На 20 јули, Основниот суд  во Приштина му одреди притвор до 30 дена. зш/