Нова британска воена помош за Украина
- Владата на Велика Британија ќе и додели на Украина опрема вредна 92 милиони фунти. Веста беше соопштена денеска на состанокот на министрите за одбрана од Здружените експедициски сили.
![Нова британска воена помош за Украина](https://mia.mk/index.php/images/20230613201510_big_730x400_27.webp )
Лондон, 13 јуни 2023 (МИА) - Владата на Велика Британија најави нов пакет помош за Украина. Како што беше соопштено на состанокот на министрите за одбрана од Здружените експедициски сили, помошта од 92 милиони фунти ќе биде наменета за противвоздушната одбрана.
Опремата ќе биде набавена во наредните месеци преку Меѓународниот фонд за Украина, со која Киев ќе може да ја „заштити својата критична национална инфраструктура, цивилното население и персоналот на првата линија“.
Новата помош предвидува радар, кој ќе обезбеди заштита од неселективни руски напади, како и оружје и значителна количина муниција. мс/ми/
фото: МИА архива