Непознат број жртви во напад во училиште во САД
- Во средно училиште во Виндер, недалеку од Атланта во американската држава Џорџија имало пукање во кое според американските медиуми, има неколку жртви.
![Непознат број жртви во напад во училиште во САД](https://mia.mk/index.php/images/20240904185903_big_730x400_54.webp )
Атланта, 4 септември 2024 (МИА) – Во средно училиште во Виндер, недалеку од Атланта во американската држава Џорџија имало пукање во кое според американските медиуми, има неколку жртви.
МСНБЦ на Х објави дека според првичните информации во престрелката загинале најмалку две лица, а најмалку четворица се ранети. Други американски медиуми јавуваат дека има повеќе жртви, меѓу кои може да има и ранети и убиени.
Осомничениот е уапсен, соопштија властите.
Полицијата и итните медицински служби интервенирале во средното училиште Апалачи во округот Бароу околу 10:23 часот „за пријавен активен напаѓач“, се вели во соопштението од Канцеларијата на шерифот на округот Бароу.
Учениците се евакуирани и пристапот до училиштето е блокиран. јт/
Фото: Х скриншот