На Франческа Албанезе ќе и биде забранет влез во Израел и во окупираните палестински територии
- На специјалниот известувач на ОН за палестинските територии Франческа Албанезе ќе и биде забранет влезот во Израел, соопштија денеска во заедничка изјава израелскиот министер за надворешни работи Израел Кац и министерот за внатрешни работи Моше Арбел.
![На Франческа Албанезе ќе и биде забранет влез во Израел и во окупираните палестински територии](https://mia.mk/index.php/images/20240212162436_big_730x400_2.webp )
Тел Авив, 12 февруари 2024 (МИА) - На специјалниот известувач на ОН за палестинските територии Франческа Албанезе ќе и биде забранет влезот во Израел, соопштија денеска во заедничка изјава израелскиот министер за надворешни работи Израел Кац и министерот за внатрешни работи Моше Арбел. Според Гардијан, оваа изјава се однесува и на окупираните палестински територии.
Како што пишува „Џерусалим пост“, оваа изјава доаѓа откако Албанезе вчера изјави дека масакрот на 7 октомври е „одговор на израелското угнетување“.
Албанезе уште во април минатата година изјави дека „не исклучува дека може да има насилство од палестинска страна“, но подвлече дека тоа е „реакција на постојаните провокации на кои се изложени Палестинците“. мс/
фото: МИА архива