Наполи му нуди 25 милиони евра на Челси за Лукаку
- Италијански Наполи упатил усна понуда до Челси за купување на напаѓачот Ромелу Лукаку, пренесе „Скај спорт Италија“.
![Наполи му нуди 25 милиони евра на Челси за Лукаку](https://mia.mk/index.php/images/20240812183406_big_730x400_33.webp )
Неапол, 12 август 2024 (МИА) - Италијански Наполи упатил усна понуда до Челси за купување на напаѓачот Ромелу Лукаку, пренесе „Скај спорт Италија“.
Станува збор за понуда од 25 милиони евра плус 5 милиони бонуси.
Директорите на клубот од Неапол очекуваат одговор од англискиот клуб во следните часови, во спротивно ќе се фокусираат на трансферот на Давид Невеш од Бенфика.
Според медиумската групација „Спорт медиасет“, Астон Вила била подготвена да ја активира откупната клаузула на Лукаку од 43 милиони евра.
Сепак, поранешниот играч на Интер и Рома сака само да се пресели во Наполи за повторно да работи под тренерот Антонио Конте.
Понудата на Наполи вклучува договор за позајмица, но со опција за купување, поврзана со квалификациите за Лигата на шампионите на тимот. дс
Фото: Архива