Лондон, 10 март 2026 (МИА) – Тренерот на Вест Хем, Нуно Еспирито Санто, ја коментираше победата над Брентфорд во осминафиналето на ФА Купот (2:2, 5:3 на пенали).

- Среќни сме, воодушевени сме што го постигнавме она што го зацртавме. Беше тежок натпревар, но атмосферата беше фантастична, навивачите ни дадоа силна поддршка, па мислам дека заслуживме да им возвратиме. Почнавме добро. Беше многу тесна игра. Брентфорд е многу добар тим, но во второто полувреме имавме шанси да ја завршиме работата. Ни недостасуваа последните додавања или завршните допири. Потоа му дозволивме на Брентфорд да не нападне и мечот отиде во дополнителни 30 минути и изведување на пенали. Тимот одговори добро, направивме многу замени, а играчите што влегоа помогнаа, па тоа е позитивно. Верувам дека ФА Купот помага со мотивацијата. Учеството во ова натпреварување ќе му помогне на тимот да работи уште понапорно, истакна Санто за „Би-би-си“.

Во четвртфиналето на ФА Купот, Вест Хем ќе се соочи со Лидс, кој го победи Норич во осминафиналето. зс/

Фото: ЕПА