Мурињо: И онака никогаш немаше да ја освоиме Лигата на шампионите, имаме шанса во Лига Европа
- Жозе Мурињо се осврна на елиминацијата на Фенербахче од квалификациите за Лигата на шампионите.
![Мурињо: И онака никогаш немаше да ја освоиме Лигата на шампионите, имаме шанса во Лига Европа](https://mia.mk/index.php/images/20240814090230_big_730x400_83.webp )
Истанбул, 14 август 2024 (МИА) - Жозе Мурињо се осврна на елиминацијата на Фенербахче од квалификациите за Лигата на шампионите.
- Горд сум на моите играчи, направивме се како тим. Ја загубивме шансата да играме против најголемите тимови во светот, но исто така е точно дека и онака никогаш немаше да ја освоиме Лигата на шампионите. Никогаш не би стигнале до финалето на Лигата на шампионите, но имаме шанса во Лига Европа. За нас е поинтересно од натпреварувачки аспект, изјави тренерот на Фенербахче.
Избраниците на португалскиот фудбалски стручњак синоќа одиграа нерешено 1:1 со Лил во реванш натпреварот од 3. квалификациско коло во Лигата на шампионите. Првата средба заврши со победа на францускиот тим (2:1). зс/
Фото: ЕПА