Ковачевски: Континуирано носиме мерки за поддршка на граѓаните во услови на најголема економска криза
- Континуирано носиме мерки за поддршка на граѓаните во услови на најголема светска економска криза, порача премиерот Димитар Ковачевски по денешната владина седница на која беше донесена одлук
![Ковачевски: Континуирано носиме мерки за поддршка на граѓаните во услови на најголема економска криза](https://mia.mk/index.php/images/20221114021123_big_730x400_49.webp )
Скопје, 2 ноември 2022 (МИА) - Континуирано носиме мерки за поддршка на граѓаните во услови на најголема светска економска криза, порача премиерот Димитар Ковачевски.
Премиерот на својот фејсбук профил соопштувајќи за најновата одлука да бидат замрзнати цените на огревното дрво и пелетите, истакна дека заштитата на стандардот на граѓаните е највисок приоритет на Владата.
-Континуирано носиме мерки за поддршка на граѓаните во услови на најголема светска економска криза. Денес на владината седница донесовме одлука да ги замрзнеме цените на огревното дрво и пелетите.
Метар просторен огревно дрво ќе е максимум 4.500 денари, а метар кубен максимум 6.429 денари. Цената на пелетите за огрев, пак, ќе е максимум 27 денари за еден килограм.
Заштита на стандардот на граѓаните е наш највисок приоритет, стои во објавата. свс/аа/