Ибрахимовиќ не сака да ја продолжи кариерата во Милан на административна функција
- Поранешниот фудбалер на Милан, Златан Ибрахимовиќ не сака да остане во клубот на административна позиција, тврди италијанскиот новинар Николо Шира.
![Ибрахимовиќ не сака да ја продолжи кариерата во Милан на административна функција](https://mia.mk/index.php/images/20230612075950_big_730x400_4.webp )
Милано, 12 јуни 2023 (МИА) - Поранешниот фудбалер на Милан, Златан Ибрахимовиќ не сака да остане во клубот на административна позиција, тврди италијанскиот новинар Николо Шира.
Ибрахимовиќ не е задоволен од случувањата во Милан со промените во раководството за смета дека би можеле да доведат до финансиска нестабилност.
Четириесет и едногодишниот Ибрахимовиќ најави пензионирање по натпреварот од 38. коло на италијанскиот шампионат против Верона (3:1).
Напаѓачот играше за Малме, Ајакс, Јувентус, Интер, Барселона, Милан, ПСЖ, Манчестер јунајтед и Лос Анџелес галакси.
Во текот на кариерата пет пати стана шампион на Италија, четири пати го освои францускиот шампионат, двапати стана шампион на Холандија и еднаш - шампион на Шпанија.
Фудбалерот ја освои и Лигата на Европа, Купот на Холандија, Суперкупот на Холандија, Италија, Шпанија и Франција, Лига купот на Англија и Лига купот на Франција. зс/
Фото: ЕПА