Земјотрес во Грција со јачина од 5,7 степени
- Земјотрес со јачина од 5,7 степени, според податоците од Геодинамичкиот институт на Националната опсерваторија во Атина, беше регистрирани кусо по 9 часот во морскиот дел западно од грчкиот полуостров Пелопонез, јави дописничката на МИА од Атина.
![Земјотрес во Грција со јачина од 5,7 степени](https://mia.mk/index.php/images/20240329083756_big_730x400_90.webp )
Атина, 29 март 2024 (МИА) – Земјотрес со јачина од 5,7 степени, според податоците од Геодинамичкиот институт на Националната опсерваторија во Атина, беше регистрирани кусо по 9 часот во морскиот дел западно од грчкиот полуостров Пелопонез, јави дописничката на МИА од Атина.
Земјотресот беше почувствуван во целиот регион на Пелопонез, особено во западниот дел, но и во Атина.
Засега нема информации за повредени или материјална штета.
Геодинамичкиот институт првично објави дека биле регистрирани два земјотреси од 5,6 и 5,7 степени со неколку секунди разлика, нешто што кусо подоцна го промени во еден земјотрес, а и според Европско-медитеранскиот сеизмолошки центар, станува збор за еден земјотрес со јачина од 5,7 степени. ср/ссм/