Киев, 20 јануари 2026 (МИА) - Русија ја нападна Украина преку ноќ со повеќе од 300 дрона и значаен број балистички и крстосувачки ракети, соопштија утрово украинските воздухопловни сили, а претседателот Володимир Зеленски рече дека на Украина ѝ се потребни повеќе резерви за својата воздушна одбрана.

Украина доби нова серија ракети за воздушна одбрана дури вчера, истакна Зеленски. Тој нагласи дека ова не помогнало во зајакнувањето на одбраната додавајќи дека има итна потреба од дополнителни резерви.

„Партнерите не треба да не успеат да го спроведат ова - ракетите за воздушна одбрана се вистинска заштита за човечкиот живот“, напиша Зеленски на Х.

Украинскиот министер за надворешни работи, Андриј Сибиха, од своја страна, денеска повика на итна поддршка за Украина, вклучително и средства за воздушна одбрана, и на санкции против Русија велејќи дека најновиот варварски удар на Москва е повик за будење за светските лидери собрани во Давос за годишниот состанок на Светскиот економски форум.

„Ни требаат итна дополнителна енергетска помош, воздушна одбрана и пресретнувачи на беспилотни летала, како и санкции против Москва“, напиша Сибиха во објава на Х. Тој додаде дека илјадници домови во Киев се без греење на температури под нулата.

Повеќе од 335.000 жители на украинскиот главен град останаа без електрична енергија по руските воздушни напади во текот на ноќта, соопшти украинската приватна енергетска компанија ДТЕК.

Струјата веќе е вратена во 162.000 домаќинства во Киев. Сепак, 173.000 продолжуваат да бидат без електрична енергија, додаде ДТЕК на платформата „Телеграм“. мс/ссм/

фото: ДПА