Зеленски побара продолжување на воената состојба и општа мобилизација
- Претседателот на Украина, Володимир Зеленски до Парламентот поднесе предлог-закон за продолжување на воената состојба и за општа мобилизација во армијата
Киев, 23 јули 2024 (МИА) – Претседателот на Украина, Володимир Зеленски до Парламентот поднесе предлог-закон за продолжување на воената состојба и за општа мобилизација во армијата.
Двата предлог-закони денеска ќе се разгледуваат од Комисијата за национална безбедност, одбрана и за разузнавање, а потоа ќе бидат испратени на гласање во Врховната рада.
Предлог-законите се со важност од 90 дена и треба да стапат во сила од 12 август до 9 ноември. Тоа ќе биде 12 гласање за продолжување на воената состојба и за општа мобилизација. ми/
фото: ЕПА