Заврши снимањето на филмот „Турбо-нет“
- Bо раните утрински часови заврши снимањето на краткометражниот игран филм „Нитамуниваму/Turbo-net“, по сценарио и во режија на Надежда Панова.
![Заврши снимањето на филмот „Турбо-нет“](https://mia.mk/index.php/images/20221128065946_big_730x400_74.webp )
Скопје, 23 ноември 2022 (МИА) - Bо раните утрински часови заврши снимањето на краткометражниот игран филм „Нитамуниваму/Turbo-net“, по сценарио и во режија на Надежда Панова.
Филмот ја раскажува приказната за едно вообичаено македонско семејство и предизвиците со кои се соочуваат неговите членови по смртта на таткото, сопственик на првото интернет кафуле во градот: Турбо-нет.
Во филмот настапуваат актери од младата генерација: Ивана Павлаковиќ, Исидор Јовановски, Илија Волчески, Петар Стојанов, Надица Дојкоска и Матео Матевски и тим од искусни актери како Катина Иванова, Соња Михајлова, Валентина Грамосли, Сашо Тасевски, Игор Трпчевски и Петар Горко.
Шеф на техничката екипа е снимателот Лашло Кадар, директор на филмот Виктор Павловски, а носител на проектот е продукцентската куќа Пиреј филм.
Филмот е македонско-швајцарска копродукција, подржан од државната Агенцијата за филм - конкурс, лето 2020 и регионалниот филмски фонд , Синефором, Женева.
Премиерата е планирана за на пролет следната година. мд/са/
![филм Турбо-нет](/articles/images/d0b7d0b0d0b2d180d188d0b8-d181d0bdd0b8d0bcd0b0d19ad0b5d182d0be-d0bdd0b0/3TJRui2vb/placeholder.webp?use_watermark=0)