Во Кавадарци новогодишни пакетчиња за деца на градскиот плоштад
- Околу 4.500 новогодишни пакетчиња обезбеди Општина Кавадарци за ученици од прво до петто одделение, деца од семејства во социјален ризик и лица со попреченост. Кавадаречкиот градоначалник, Митко Јанчев денеска во изјава за медиумите, рече дека изминативе денови, вклучително и денешниот, пакетчињата се делат на градскиот плоштад. - Секојдневно имаме културно - забавна програма во склоп на предновогодишната програма, што опфаќа интересни содржини за сите возрасти, додаде Јанчев.
![Во Кавадарци новогодишни пакетчиња за деца на градскиот плоштад](https://mia.mk/index.php/images/20231225115707_big_730x400_5.webp )
Кавадарци, 25 декември 2023 (МИА) - Околу 4.500 новогодишни пакетчиња обезбеди Општина Кавадарци за ученици од прво до петто одделение, деца од семејства во социјален ризик и лица со попреченост. Кавадаречкиот градоначалник, Митко Јанчев денеска во изјава за медиумите, рече дека изминативе денови, вклучително и денешниот, пакетчињата се делат на градскиот плоштад.
- Секојдневно имаме културно - забавна програма во склоп на предновогодишната програма, што опфаќа интересни содржини за сите возрасти, додаде Јанчев.
Тој потсети на агендата од предновогодишната и новогодишната програма, нагласувајќи дека се негува традицијата и така и овие денови, на градскиот плоштад може да се дегустираат производи од грозје.
Заменик градоначалникот, доктор Стојанче Рамов, исто така, изрази задоволство од преполниот плоштад со дечиња, во весела и разиграна атмосфера со Дедо Мраз, музика и ликови од цртаните филмови.
Двајцата посакаа многу здравје и среќа за сите. свд/сст/
фото МИА